وەزارەتی خوێندنی باڵا پێنج پۆست رادەگەیەنێت

وەزارەتى خوێندنى باڵا و توێژینەوەى زانستى لە چوارچێوەى ڕێنماییەکاندا پێنچ پۆست بۆ جارى یەکەم لە زانکۆى هەولێرى پزیشکى ڕادەگەێنێت، جاهەر کەسێک ئارەزووى هەیە ومەرجەکانى تێدایە دەتوانێت لە ماوەى دیاریکراودا (c.v) و داواکارییەکەى پێشکەش بکات ، تا ناوى لە لیستى خوازیاراندا تۆمار بکرێت .

پۆستەکان :

1. ڕاگرى کۆلیژى پزیشکى
2. ڕاگرى کۆلیژى پزیشکى ددان
3. ڕاگرى کۆلیژى دەرمانسازى
4. ڕاگرى کۆلیژى پەرستارى
5. بەڕێوەبەرى گشتى  سەنتەرى توێژینەوەى پزیشکى

مەرجەکان :

1. هەڵگرى بڕوانامەى دکتۆرا بێت.
2. ناونیشانى زانستى لە پرۆفیسۆرى یاریدەدەر کەمتر نەبێت  .
3. خزمەتى زانکۆیی لە (10) ساڵ کەمتر نەبێت.

تێبینى :

1. چانسى زیاتر دەدرێت بەو بەڕێزەى کە دید و بۆچون و بەرنامەى کار و چالاکییەکانى خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت، زمانى ئینگلیزى و بەکارهێنانى کۆمپیوتەر هەلى زیاتر بۆ پیشکەشکار دەڕەخسێنیت .
2. دواکات بۆ پێشکەشکردنى (c.v) و پوختەى ڕاژە کۆتایی دەوامى  ڕێکەوت   ٥/١٢/٢٠١٩ رۆژى پێنج شەممە  دەبێت.
3. پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت.
4. هەر بەڕێزێک ئارەزوى هەیە و مەرجەکانى سەرەوەى تێدا بەدى دەکڕێت پێویستە  (c.v) و پوختەى ڕاژەى ڕاستەوخۆ  بهێنێت بۆ دیوانى وەزارەت – بەرێوەبەرایەتى به‌دواداچونی پۆستەکان  – ژورى ژمارە (70).